„მობი დიკი“ ნიუ-იორკის ნაპირებთან

ჰერმან მელვილი ნიუ-იორკში, 1819 წელს დაიბადა. ახალგაზრობაში ის ვეშაპსანადირო გემზე მსახურობდა.

1846 წელს, პირველი რომანი - „ტაიპი“ გამოაქვეყნა - რომანტიკული თავგადასავალი, რომელიც მწერლის პოლინეზიურ გამოცდილებას ეფუძნებოდა. წიგნი წარმატებული აღმოჩნდა, რასაც გაგრძელება - „ომუ“ მოჰყვა.

ამ რომანების შემდეგ, ჰერმან მელვილმა 3 ნაწარმოები გამოაქვეყნა, მისი მეექვსე წიგნი - „მობი დიკი“ კი პირველად 1851 წლის 18 ოქტომბერს, ლონდონში გამოიცა. როგორც ცნობილია, მელვილი გამომცემელს „ტაიპისა“ და „ომუს“ მსგავსი წიგნის დაწერას შეჰპირდა, თუმცა, „მობი დიკი“ ტრაგიკული რომანი გამოდგა.

საზოგადოებამ „მობი დიკი“ არცთუ კარგად მიიღო. მელვილი რომანებისა და მოთხრობების წერას განაგრძობდა, თუმცა, ამით „გადასახადებს ვერ უმკლავდებოდა“. ამიტომაც, 1865 წელს ნიუ-იორკში დაბრუნდა და საბაჟო სამსახურში, ინსპექტორად დაიწყო მუშაობა.

ჰერმან მელვილი 1891 წელს, ლიტერატურული სამყაროსგან მივიწყებული გარდაიცვალა. 1920-იან წლებში, მისი რომანი „მობი დიკი“ მსოფლიომ ხელახლა აღმოაჩინა. მწერლის უკანასკნელი რომანი - „ბილი ბადი“ (Billy Budd) 1924 წელს, მწერლის გარდაცვალებიდან 33 წლის შემდეგ გამოიცა.